အကြိုလေ့လာချက်
ခွဲခြားဆက်ဆံခံရမှုများ စုဆုံကြုံတွေ့ရခြင်း’ ဟူသော ဝေါဟာရကို ကြားဖူးပါသလား။ ကြားဖူးပါက မည်သည့် အဓိပ္ပာယ်ကို ဖော်ညွှန်းသနည်း။
ခွဲခြားဆက်ဆံခံရမှုများ စုဆုံကြုံတွေ့ရခြင်းသည် ခွဲခြားဆက်ဆံခံရမှုများက မတူညီသော ပင်ကိုယ်စရိုက်လက္ခဏာများ တစ်ခုနှင့်တစ်ခု ထပ်သွားခြင်း သို့မဟုတ် စုဆုံကြုံတွေ့သွားခြင်းအပေါ် အခြေခံထားပုံကို ဖော်ပြထားသည်။ ပါမောက္ခ Kimberle’ Crenshaw က ခွဲခြားဆက်ဆံခံရခြင်းအမှုကိစ္စများတွင် ရှေ့နေအဖြစ် တာဝန်ထမ်းဆောင်ခဲ့စဉ် ၁၉၈၉ ခုနှစ်၌ ပထမဆုံး အသုံးပြုခဲ့သည်။ သူသည် လူနည်းစု ပင်ကိုယ်စရိုက်လက္ခဏာ အများအပြားရှိသူများအား ထိုမတူညီသော ပင်ကိုယ်စရိုက်လက္ခဏာများအပေါ် အခြေခံ၍ ခွဲခြားဆက်ဆံလေ့ရှိသည်ကို သတိပြုခဲ့မိသည်။ သူသည် ထိုခွဲခြားဆက်ဆံမှုပုံစံအမျိုးမျိုးသည် တစ်ခုနှင့်တစ်ခု ပေါင်းစပ်ထားသည်ကိုလည်း သတိပြုခဲ့မိသည် (Coaston ၂၀၁၉)။
လူတစ်ဦးရင်ဆိုင်ရသော ခွဲခြားဆက်ဆံရမှုများနှင့် အခွင့်အရေး တန်းတူမရမှုပုံစံများကို ဆန်းစစ်လေ့လာသည့်အခါ ထိုလူ၏ ပင်ကိုယ်စရိုက်လက္ခဏာများသည် တစ်ခုနှင့်တစ်ခု ဆက်စပ်မှုရှိနေခြင်းအား ထည့်သွင်းစဉ်းစားရန် အရေးပါပုံကို ခွဲခြားဆက်ဆံခံရမှုများ စုဆုံကြုံတွေ့ရခြင်းက ထင်ရှားပေါ်လွင်စေသည်။
ပြန်လည်သုံးသပ်ချက်/ဆွေးနွေးချက်
သင့်တွင်ရှိသော တစ်ခုထက်ပိုသည့် လူနည်းစုပင်ကိုယ်စရိုက်လက္ခဏာအပေါ် အခြေခံ၍ ခွဲခြားဆက်ဆံခံရခြင်းနှင့် အခွင့်အရေးတန်းတူမရမှုများကို သင်ကိုယ်တိုင် ကြုံတွေ့ခဲ့ဖူးပါသလား။ ကြုံတွေ့ခဲ့ဖူးပါက သင့်တွင် မည်သို့သက်ရောက်မှုရှိခဲ့သနည်း။ သင်မည်သို့ တုံ့ပြန်ခဲ့သနည်း။ အခြားသူများက မည်သို့ပြန်လည်တုံ့ပြန်ခဲ့သနည်း။
အမျိုးသားရေးဝါဒီ
လှုပ်ရှားသွားလာနိုင်မှု
အမွေအနှစ်
ကိုလိုနီဝါဒ