အခန်း (၄)

နိုင်ငံအများအပြားတွင် အစိုးရများကို အချုပ်အခြာမဏ္ဍိုင်သုံးရပ်ဖြင့် ဖွဲ့စည်းထားသည်။ ထိုမဏ္ဍိုင်များမှာ ဥပဒေပြုရေးမဏ္ဍိုင်၊ အုပ်ချုပ်ရေးမဏ္ဍိုင်နှင့် တရားစီရင်ရေးမဏ္ဍိုင်တို့ဖြစ်သည်။ ထို့အပြင် နိုင်ငံအများအပြားတွင် အခြားနိုင်ငံ့ဥပဒေအားလုံးကို လွှမ်းမိုးထားသော၊ အစိုးရဖွဲ့စည်းပုံနှင့် လုပ်ငန်းဆောင်ရွက်ပုံတို့ကို ဖော်ပြထားသော ဖွဲ့စည်းပုံအခြေခံဥပဒေများရှိသည်။ ဤအခန်းတွင် မြန်မာနိုင်ငံအစိုးရ၏ အချုပ်အခြာမဏ္ဍိုင်သုံးရပ်ကို လည်းကောင်း၊ လူနည်းစုအခွင့်အရေးများအပေါ် ၎င်းတို့၏ သက်ရောက်ပုံများကိုလည်းကောင်း လေ့လာသွားမည် ဖြစ်သည်။ တစ်ဆက်တည်းမှာပင် မြန်မာနိုင်ငံ၏ ဖွဲ့စည်းပုံအခြေခံဥပဒေများက လူနည်းစုအခွင့်အရေးများအပေါ် သက်ရောက်ပုံများကိုလည်း လေ့လာသွားပါမည်။